Medial ehf. er lögmannsstofa með aðsetur á 2. hæð að Litlubrú 1, 780 Höfn. Á stofunni er veitt öll almenn lögfræðiþjónusta með fagmennsku, heiðarleika og persónulega þjónustu að leiðarljósi.
Fyrirtækið var stofnað í Reykjavík 1. ágúst 2015 með það að meginmarkmiði að starfa í málefnum tengdum heilbrigðisrétti, enda er mikil sérþekking á þeim málaflokki innan fyrirtækisins og hefur eitt af aðalviðfangsefnum stofunnar verið mat á líkamstjóni allt frá stofnun hennar. Í byrjun árs 2016 flutti fyrirtækið á Hornafjörð og hefur verið með starfsstöð þar síðan þá. Frá því á haustmánuðum 2018 hefur fyrirtækið tekið að sér alla almenna lögmannsþjónustu auk þess sem við bættist sala fasteigna í byrjun árs 2019.
Opið er frá kl. 9:00 - 15:00 alla virka daga nema föstudaga þegar opið er til kl. 12:00. Sjálfsagt er að panta viðtalstíma utan hefðbundins opnunartíma. Fyrsta viðtal við lögmann er frítt og er miðað við að viðtalið taki um hálftíma. Hægt er að panta tíma í síma 869 8650, með því að hafa samband hér á heimasíðunni, senda tölvupóst á jona@medial.is eða koma við á stofunni á opnunartíma.
Hægt er að nálgast gjaldskrá stofunnar á skrifstofunni.
